咪以為後生仔女就唔會出大事
做得醫療顧問 見盡唔少大病
廿歲尾 三十頭
患上癌症、脂肪肝、中風、心臟病比率唔少

今次故事係一位尚算年輕 四字頭嘅客人
無煙、少酒、少應酬、飲食正常、間中做運動
結果三條血管竟然塞咗高於90%

事源客人去旅行時因抖氣唔順、心悸問題
回港後睇過中醫
懷疑心臟出現問題
客人當下雖然覺得有唔舒服
但不致於情況去到咁嚴重
為求家人同自己安心
安排見心臟科醫生做檢查

心臟科醫生幫客人做完心臟電腦掃描後
立即通知我
客人三條血管塞咗至少70%
當下即時同客人相討後
迅速地安排第二日上午做手術
最後手術好順利 放入五個支架

我想同大家分享

1) 有啲朋友總覺得自己後生出事率唔高
無定期做身體檢查之餘
又無幫自己買保險保障自己
當疾病來敲門時
真係隨時殺你一個措手不及
有保險客人
即時安排做手術解決問題
唔需要衡量太多金額上問題
(當然要睇番自己買咩保障 詳細請向自己保險營業員查詢)
無保險客人
番公立醫院慢慢排期等做手術
唔好以為所有手術全免
正如通波仔需要自付支架費
而根據近期資料顯示
公立醫院收費約 6 萬至 7 萬不等(視乎支架數量)