👨🏻‍💼朋友：「Cyndi 請問一下小朋友患有自閉症又發緊燒，私家醫院一般係咪唔會收上房？」
🙋🏻‍♀️我：「應該唔會，自閉症同發燒係分開兩樣野，唔會因為咁而唔收症。」
👨🏻‍💼朋友：「姑娘話驚影響其他小朋友，我自己無呢種經驗，所以想問下你有無試過。」
🙋🏻‍♀️我：「我暫時未試過因為自閉症而客人被拒於門外咁慘🥺」

現時私家醫院入唔到院主要原因係因為無床位提供
以上問題俾醫院拒絕收症我暫時未遇過
除非主診醫生診斷時衡量會出現其他特殊狀況
例如：或會危害到其他小朋友安全
院方或者會要求客人入住單人房

如果問我點睇🙃
我對呢事件有些少保留
始終我不在場 唔清楚當時狀況
醫生、姑娘同客人會唔會喺溝通上出現誤會？🤷🏻‍♀️

有時客人未必願意透露太多資料俾保險經紀知道🤐
醫生知道嘅真正事實變成另一回事
小朋友有事 家長份外緊張😢
當下亦有可能未必完全理解醫生解說
最後造成「講啲唔講啲」嘅情況🫣

不過我認為
若然醫院純粹因為「自閉症」而拒收
其實係歧視問題
我相信呢個並非主要因素
而且患有自閉症嘅小朋友並不可怕

事後我向朋友了解 已經係早前發生嘅事
朋友只想確認會唔會有呢類情況
假設真有其事
小朋友買醫療保障豈不是就好似變成無保障?😭

為求尋找真相🔍
最後向兒科醫生請教
👨🏻‍⚕️兒科醫生：
「自閉症同發燒分開兩件事，邊間醫院咁歧視？🤔
會唔會只係主診醫生唔想收症而非醫院？」

所以大可放心
除非特殊情況或者出現風險較高疾病
否則私家醫生會盡心盡力安排入院同病人治療❤️