話說我曾經收過一位約27歲客人懷疑韌帶斷咗
幫客人安排見骨科醫生進行磁力共振🩻
醫生發現佢條韌帶斷得幾嚴重
手術係必須 但唔可以即時做
需要配帶六個星期支架後再安排入院處理🏥

原本醫生安排好醫院手術日期
直到手術前
收到客人媽咪訊息💬
雖然擔心仔仔傷勢
但仔仔讀緊醫 而且考試日就到
希望醫生可以將手術日期再延後

直到入院當日🏥
客人媽咪問醫生可唔可以安排陪床❓😅
雖然我明白媽咪會擔心同緊張自己子女
但仔仔已經27歲
而且仔仔安排嘅係普通大房
房內會有其他男病人
唔方便女性陪床😳

由第一次診症時
醫生問仔仔係點整傷
全程幾乎係媽咪從旁作答
原因話怕仔仔唔識講俾醫生知自己情況😂
講真仔仔已經咁大
而且係一位醫學生👨‍🎓
相信應該可以Handle醫生所有問題同解答自己病歷
我估只係媽咪緊張過龍喇😆😆😆