到底小朋友全身麻醉比較危險
定抑或局部麻醉做手術危險啲？🤔
我相信好多家長有咁嘅諗法
有無諗過點解醫生多數要求小朋友做手術全身麻醉？

背後原因只有一個 : 就係為小朋友好

間中我會收到小朋友需要安排做手術嘅個案
不管做邊類型手術都好
家長總認為全身麻醉危險又唔好🥺
然後就選擇拖延小朋友治療時間

早前我正正收到一位朋友諮詢
4~5歲小朋友耳仔耳前廔管發炎又瘀又腫
需要安排耳鼻喉專科醫生為小朋友放膿
醫生見過情況後
告知家長小朋友年紀比較小
建議做手術全身麻醉比較合適
亦解釋全身麻醉嘅好處
當然家長聽完醫生建議
心裡仍然十五十六

直到本身安排好手術嘅前一日家長決定取消手術😟
原因係家長覺得小朋友已經好得七七八八
如果下次發炎或者先再考慮做手術
雖然我收到家長發過黎嘅相片
仍然見到紅腫情況 未見康復
不過最後尊重家長決定

試諗下
如果幫小朋友打支針喺傷口附近做局部麻醉
叫佢乖乖地瞓喺張手術床到唔俾佢郁進行做手術
你估小朋友會唔會咁叻又咁乖豬真係瞓喺度郁都唔郁？

莫講話做手術
我估小朋友打針嗰下已經喊到拆天😭
全身麻醉對小朋友做手術黎講係最安全嘅做法
為嘅只係確保小朋友做手術時唔會亂郁減低不安
醫生亦能夠以最短時間完成手術
呢個方法既安全又迅速

當小朋友需要全身麻醉做手術
家長若然顧慮呢個問題
可以諗得深入啲
小朋友局部麻醉做手術
或者比全身麻醉更加唔安全且風險更高嘅做法🙏